BARIY FTORID

BARIY FTORID, Ba/2 – ftorid kislotaning bariyli tuzi, rangsiz kristall modda. 970° gacha a-faza holida turg’un; zichligi 4893 kg/m3. 970° da R-fazaga, 1207° da esa u-fazaga o’tadi. Suyuqlanish temperaturasi 1368°, qaynash temperaturasi 2250° atrofida. Suvda yomon, ftorid kislotaning suvli eritmalarida yaxshi eriydi, organik erituvchilarda erimaydi. 500° dan yuqori temperatuada suv bug’ida gidrolizlanadi. Ftorid kislota bilan beqaror gidroftoridlar hosil qiladi. Bariy ftorid tabiatda kamyob mineral — frankdiksonit holida uchraydi. Bariy karbonatga ftorid kislota yoki uning suvdagi eritmalarini ta’sir ettirib olinadi. Bariy ftorid shisha, emal va flyuslar hamda metallarni muhofaza qiluvchi qoplamalarning komponentlari, infraqizil optika va lazer uchun material, U/6 ni tozalashda sorbent sifatida qo’llaniladi.