BUSH JORJ UOKER

BUSH JORJ UOKER (1946.6.7, Nyu Xeyven, shahri, Konnektikut shtati) — AQShning 43 prezidenti (2001 yildan). Bush Jorj Gerbert Uokerning o’g’li. Yel universiteti (1968), Massachusets shtatining Kembrij shahridagi Garvard biznes maktabi (1975) ni tugatgan. 1968 yil uchuvchilar kursini tamomlab, uchuvchi sifatida 2 yil harbiy xizmatda bo’lgan. 1970 yildan Xyustondagi qishloq xo’jalik kompaniyasida ishlagan. Xususiy kompaniya va korxonalarni boshqarish bo’yicha magistr darajasiga ega. 1975 yildan Midlend shahrida neft biznesi bo’yicha tadbirkor. 1977 yildan «Arbusto Enerji» (keyinchalik «Bush eksploreyshn»), 1984 yildan «Spektrum7» neft kompaniyasi prezidenti. 1986 yildan «Xarken Enerji Korporeyshn» kompaniyasida maslahatchi. 1988 yildan Texas shtatining Dallas shahridagi «Texas reynjerlari» professional beysbol komandasi investori. 1994 yildan Texas shtati gubernatori. 2000 yil noyabrdagi saylovda Respublikachilar partiyasidan AQSh prezidenti etib saylangan.