Рубрика: В harfiga oid biologiyaga oid ensiklopedik atamalar

Batraxologiya – zoologiyaning suvda va quruqda yashovchi hayvonlarni o’rganuvchi sohasining eski nomi. Hozir gerpetologiya bilan qo’shilib ketgan.

Batsilla — spora hosil qilib ko’payadigan tayoqchasimon bakteriyalаr. Tabiatda keng tarqalgan. Patogen batsillalar odam va hayvonlarda kasallik qo’zg’atadi. Masalan, qoqshol, kuydirgi.

Baroxoriya — meva va urug’larning bevosita o’z og’irligi ta’sirida to’kilishi, tarqalishi.

Baroretseptorlar — sezgi asablarining bosim o’zgarishini qabul qiluvchi uchlari (ichak va qon tomirlarida).

Bargxo’rlar, barg kemiruvchilar — qo’ng’izlar oilasi. Keng tarqalgan. Qo’ng’izi va qurti barg bilan oziqlanib madaniy o’simliklarga zarar keltiradi.

Barg yostiqchasi – bargning novda yoki shoxcha bilan birlashadigan yeridagi bo’rtma.

Barg yaprog’i, barg shapalog’i — bargning kengaygan qismi.

Barg to’kilishi — turli xil tashqi noqulay sharoitlar ta’sirida yoki sun’iy уо’l bilan o’simliklar bargaining to’kilishi.

Barg qo’ltig’i — yaproq bilan роуа oralig’i.

Barg bandi — barg yaprog’ini роуа bilan birlashtiruvchi qismi.