Рубрика: Р harfiga oid biologiyaga oid ensiklopedik atamalar

Plazmoliz, hujayra tarangligining yo’qolishi — hujayradagi suvning chiqib ketishi natijasida, sitoplazmaning qobiqdan ajralib, uzoqlashishi. Turgor holatining aksi.

Plazmogenlar — yadrodan boshqa hujayra organoidlari — mitoxondriya, xloroplastlarda joylashgan genlar. Irsiy informatsiyani ko’chirish xususiyatiga ega. Plazmogenlar to’plami plazmon deb ataladi.

Plazmodiy — 1) ko’p yadroli sitoplazmatik massa; 2) sporalilar turkumiga mansub bir hujayrali organizmlar.

Plazmodesma — qo’shni hujayralarni bir-biri bilan bog’lovchi, membrana tuzilmalarining nozik tolalari. Plazmodesmalar orqali kichik molekulali birikmalar bir hujayradan ikkinchi hujayraga o’tib turadi.

Plazmidalar — hujayraning xromosomalari bilan bog’liq bo’lmagan irsiy omillari. Ko’pchilik plazmidalar halqali qo’shzanjirli DNK molekulasidan iborat. Ular tirik organizmlarda keng tarqalgan bo’lib, gen muhandisIigida boshqa genlarni ko’chirish uchun foydalaniladi.

Plazma — qon, limfalar, hujayralarning suyuq qismi.

Plaundoshlar — yuksak o’simliklar oilasi. Sporalari hamda vegetativ уо’l bilan ko’payadi.

Plastik almashinuv – moddalarning hosil bo’lishi bilan bog’liq bo’lgan va anabolik jarayonlarga asoslangan moddalar almashinuvi.

Plastom, plastidom – xloroplastlardagi irsiy elementlar yig’indisi.

Plastidalar — hosil qiluvchi hujayra organoidlari. Bular rangsiz — leykotsitlar, rangli — xromoplast va yashil — xloroplastlardan iborat.