Рубрика: b harfiga oid tibbiyot atamalari

Belki ili protein, oqsillar yoki proteinlar nima degani – aminokislotalar polimerlari bo’lgan yuqori molekulali azotli organik moddalar. Ular barcha tirik organizmlarning tarkibiy qismi va hayotiy jarayonlarning asosiy asosidir.

Belaya goryachka, oq alahlash nima degani – ichkilikbozlikka chalingan shaxslarning alkogol iste’molini to’xtatishi natijasida kelib chiqqan ongning buzilishi, gallyutsinatsiya va illyuziyalar hamda somatik simptomlar bilan kechadigan o’tkir holat.

Baroterapiya nima degani – past yoki baland atmosfera bosimidan davolash maqsadida foydalanish.

Baroretseptor nima degani – kovak a’zo ichidagi moddalar bosimi natijasida kovak a’zo devorlarining kengayishini qabul qiluvchi interoretseptorlar.

Barabannaya pereponka, nog’ora parda nima degani – tashqi eshituv yo’lini nog’ora bo’shlig’idan ajratib turadigan nozik, elastik parda.

Balzam, malham nima degani – o’simliklardan olinadigan moddalar bo’lib, azotsiz organic birikmalar aralashmasidan iborat.

Ballizm nima degani – qo’llarning, tez-tez beixtiyor harakat qilishi; xoreyani eslatadi.

Balanorragiya nima degani – olat boshchasiing jarohatidan qon oqishi.

Bol, og’riq nima degani – odamning o’ziga xos ruhiy holati; qandaydir kuchli yoki shikastlantiradigan ta’sirotlar tufayli vujudga keladigan markaziy nerv tizimidagi fiziologik jarayon.

Bolezn, kasallik nima degani – tashqi va ichki muhitdagi haddan tashqari kuchli ta’sirotlar natijasida organizm hayot faoliyatining buzilishi; moslashuvning pasayishi bilan bir vaqtda organizm himoya kuchlarining safarbar etilishi bilan ifodalanadi.