Рубрика: D harfiga oid pedagogikaga oid ensiklopedik atamalar

Dasturli ma’ruza-maslahat-talabalarni muammo muhokamasida faol ishtirok etishiga undaydigan ma’ruza turi.

Dastutlashtirilgan ta’lim-materialni (qismlarga bo’lib) qadam-baqadam, har bir qismning o’zlashtirilganligini nazorat qilgan holda o’rganish texnologiyasi.

Dasturlash va algoritm kursi-injener-matematik va dasturchilikka oid mutaxassislik yo’nalishida matematik bilim, ko’nikma va malakalarni shakllantirish va rivojlantirishga qaratilgan matematikaning tarkibiy qismi.

Dastur-o’quv faoliyatini amalga oshirish rejasi va ushbu faoliyatning mazmunini ifodalovchi me’yoriy hujjat.

Darsni jihozlash-o’tiladigan dars mavzusiga ko’ra o’quv-didaktik materiallar, qo’llanma, multimediya, o’quv vositalari kabilarni tanlash va tartibga keltirish.

Darslik yoki manba (kitob) bilan ishlash-materialni og’zaki bayon qilish metodlaridan biri. Bu metod Oliy ta’lim muassasalari amaliyotida muhim o’rin tutadi.

Darslik-muayyan fanga doir bilim asoslarini ma’lum tartibda bayon etadigan va yuqori ma’naviy-g’oyaviy, ilmiy-uslubiy saviyada yozilgan o’quvchilar va talabalar uchun mo’ljallangan o’quv adabiyotining asosiy va yetakchi turi.

Dars tahlili-o’quv mashg’ulotini bir butun, yaxlit holda yoki muayyan bo’laklarga bo’lib baholash.

Dars jadvali-o’quv rejasiga ko’ra o’quv haftasining har bir kunida sinflar bo’yicha o’quv mashg’ulotlari pedagogik jihatdan maqsadga muvofiq ketma-ketligini belgilovchi hujjat.

Dars-auksion-mashg’ulotlar auksion tarzda o’tkaziladigan dars.