Рубрика: D harfiga oid tibbiyot atamalari

Distoniya nima degani – mushak va qon tomirlar tonusining normadan o’zgarishi, og’ishi; ba’zi to’qimalarda tonusning oshgan yoki pasaygan bo’lishi.

Distorsiya nima degani – bo’g’imning yopiq jarohati bo’g’imlarni qo’shib turuvchi paylarning cho’zilishi va (yoki) qisman yirtilishi bilan tavsiflanadi.

Disforiya nima degani – kayfiyatning buzilishi; zerikish, jahl, norozi qiyofali jahldorlik, tajovuzkorlikning, ko’pincha qo’rquvning birgalikdagi ko’rinishi.

Difteriya, bo’g’ma nima degani – intoksikatsiya bilan namoyon bo’ladigan, tomoq, halqum (hiqildoq), traxeya, burun va boshqa a’zolar yallig’lanishi bilan kechadigan o’tkir infeksion kasallik.

Dixromaziya nima degani – ko’zning uch xil rang sezuvchi apparatlaridan birining funksiyasi buzilishi tufayli yuzaga keladigan tug’ma rang ajrata olmaslik.

Dientsefalit nima degani – oraliq miya ko’proq jarohatlanishi bilan kechuvchi ensefalit. Vegetativ-tomir, trofik va metabolic buzilishlar tariqasida namoyon bo’ladi.

Duglas bo’shlig’i nima degani – erkaklarda qovuq va to’g’ri ichak oralig’ida joylashgan, ayollarda qovuq va bachadon (oldingi duglas bo’shlig’i) va bachadon hamda to’g’ri ichak (orqadagi duglas bo’shlig’i) oralarida joylashgan qon … Batafsil

Druzi diska zritelnogo nerva, ko’ruv nervi diskining anomaliyasi nima degani – disk ustida oq-kulrang ko’rinishidagi fialin, ohak va boshqa moddalar donachalari paydo bo’lishi.

Dostup (v xirurgii), kirish yo’li (xirurgiyada) nima degani – a’zoni ochish va to’qimalardan ajratish uchun topografo-anatomik va texnik xususiyatlarga ega bo’lgan xirurg xatti-harakatlari majmuasi. Kirish yo’li operatsiyaning boshlang’ich bosqichi hisoblanadi.

Dozirovaniye, miqdorlash nima degani – tibbiyotda organizmga biron-bir ta’sir me’yorini aniqlash; masalan, nurlanish energiyasi, dori vositasi miqdori, jismoniy mashqlar hajmi va boshqalar.