Рубрика: E harfiga oid geografiyaga oid ensiklopedik atamalar

Epitsentr- yer ichidagi zilzila uchog`ining ustida yer yuzasida joylashgan joy. Gorizontal harakat qiluvchi to`lqinlar epitentrdan tarqaladi. Epitsentr – zilzila o`chog`i yaqinidagi yer silkinishlari eng kuchli zilzila hududi.

Epitermal konlar – yer yuzasidan uncha chuqur bo`lmagan joylarda past haroratli eritmalardan hosil bo`lgan konlar.

Epigeosfera— geografik qobiq tushunchasining sinonimi. A.G.Isachenko tomonidan taklif etilgan.

Eol — qadimgi yunonlarning shamol xudosi Eol nomidan olingan. Shamol ishi ta`sirida yer yuzasining o`zgarish jarayonlari.

Eol yotqiziqlar – shamol vositasida hosil bo`lgan yotqiziqlar.

Energosistema — elektr uzatkich liniyalar va tarmoqlar bilan o`zaro birlashgan va iste’molchilarni birgalikda elektr energiya bilan ta’minlab turadigan yirik elektr stansiyalar birlashmasi. Lokal (shahar elektrosistemalari), zonal (rayonlararo) va milliy (butun … Batafsil

Eol jarayonlari (yunoncha eolos — shamol xudosi) — shamol ta’sirida reylef hosil bo`lish jarayonlari. Shamol qattiq tog` jinslarini yemiradi, o`yadi, silliqlaydi, mayda jinslarni bir joydan ikkinchi joyga uchirib boradi.

Energetika, energetika xo`jaligi — sanoatning xalq xo`jaligini energiya bilan ta’minlash uchun turli yoqilg`i va boshqa energetik resurslar olish va ulardan foydalanish bilan shug`ullanadigan tarmog`i.

Endogen jarayonlar — Yerning ichki qismida ro`y beradigan fizik va kimyoviy jarayonlar. Ular yer yuzasida turli xil tektonik harakatlar, vulkan otilishlari, yer po`stining o`zgarishi, yorilishi, zilzilalar tarzida aks etadi.

Emigratsiya (lotincha yemigro – ko`chib ketaman) — kishilarning doimiy yashash uchun yoki uzoqroq muddatga, bir mamlakatdan ikkinchi mamlakatga majburiy yoki ixtiyoriy kuchib ketishi.