Рубрика: H harfiga oid pedagogikaga oid ensiklopedik atamalar

Hisoblash-sonlarning sanog’i va miqdorini aniqlash.

Hissiyot-shaxsning voqelikdagi narsa va hodisalarga, kishilarga hamda o’z-o’ziga bo’lgan munosabatlaridan kelib chiqadigan kechinmalari.

Hind tili o’qitish metodikasi-1) hind tili ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) hind tili o’qitish metodikasi xususiy pedagogikaning alohida tarmog’i.

Hind tili Davlat ta’lim standarti-hind tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloi, modeli.

Hind tili xonasi-hind tili fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Hijo usuli (usuli tahajji)-o’quvchilarga alifbo tartibidagi harflarning nomlari; ular asosida yasalgan hijo, ya’ni bo’g’inlar, abjadni yodlash va o’qitishga asoslangan didaktik usul.

Hikoya-bayon — yangi mavzu mazmunini ochib berilishi, muayyan reja asosida matnning asosiy muhim jihatlarini ajratib izchil bayon qilishga asoslangan yozma ish turi.

Hikoya-xulosa-mashg’ulot so’ngida asosiy fikrni yakunlash, xulosalash va umumlashtirish, muayyan mavzu yuzasidan mustaqil ishlash uchun topshiriqlar berish usuli.

“Hasharchilar” o’yini-o’quv matnini tuzishda foydalaniladigan didaktik o’yin turi.

Harf-alifbo sirasida bo’lgan, yozuvda nutq tovushlarini (fonemalarni), ularni variantlari va ba’zi bir qo’shilmalarini ifodalash uchun xizmat qiladigan bosma yoki yozma grafik belgi.