Рубрика: I harfiga oid pedagogikaga oid ensiklopedik atamalar

Ijodkor — mustaqil yaratuvchilik xususiyatiga ega bo’lgan o’quvchi yoki talaba.

Ijodiy o’zlashtirish darajasi — o’quvchilarning bilim va ko’nikmalarini turli holatlarda tadbiq eta olish, masala yechishning turli yo’llarini izlash imkonini beradigan o’quv materiallarini o’zlashtirish darajasi.

Ijodiy izlanish metodi-pedagog boshchiligida qo’yilgan muammo va masalalarni yechish yo’llarini faol izlashni tashkil etishga xizmat qiladigan metodlar.

Ijodiy izlanish-pedagog boshchiligida qo’yilgan muammolar, masalalarni yechish yo’llarini faol izlashni tashkil etishga xizmat qiladigan usuli.

Ijod-o’quvchi va talabaning yaratuvchiligi, kashfiyoti.

Ierarxiya-bir butun yoki hodisalar ayrim qismlari yoki elementlari.

Idrok-o’quvchi va talabaning bilish, tushunish qobiliyati, zehni, fahm-farosati.

Identifikatsiyalangan o’quv maqsadi-talabalar xatti-harakatlari orqali ifodalangan rejalashtirilgan o’quv natijalarini to’la tashxislash va o’qitishda qayta takrorlanish imkoniyatini yaratish uchun aniq belgilangan o’quv maqsadi.

Identifikatsiya — identifikatsiya sub’yektning o’zini o’zga ob’yekt, guruh, guruh vakiliga o’xshatish yoki tenglashtirishda emotsional-kognitiv anglash jarayonidir.

Ideal (yunoncha timsol, g’oya, tushuncha) — biror narsa, voqea va hodisaning oliy namunasi, kamoloti, jamiyat a’zolari intiluvchi oliy maqsad.