Рубрика: K harfiga oid fuqarolik jamiyatiga oid ensiklopedik atamalar

KARDINAL (lot. cardinalis – bosh) — katolik cherkovi ierarxiyasida Rim papasidan keyin, episkopdan oldin turuvchi ruhoniy. Kardinallar papaning cherkovni boshqarish sohasidagi eng yaqin maslahatchilari va yordamchilari hisoblanadi hamda shu lavozimga … Read More

KAPITAN (fr-ing. bosh) — shaxs, partiya, ijtimoiy harakatning siyosiy faoliyat tajribasi, siyosiy obro’-e’tiborli va avvalgi muvafaqiyatlari birligi.

KONSESSIYA (lot. concessio – yon berish) — davlatga tegishli tabiiy boyliklar, korxonalar va boshqa ob’yektlarni xorijiy davlatlarga, kompaniyalar va ayrim shaxslarga ma’lum muddatga foydalanishga berish.

KORRUPSIYA (lot. sotib olish) — mansabdor shaxs, siyosiy arbobning boyish maqsadida o’z mansabi bilan bog’liq huquqlarini suiste’mol qilishdan iborat jinoyat.

KORRELYATSIYA (lot. nisbat, o’zaro munosabat) – faqat bir-biri bilan o’zaro taqqoslanganda mazmunga ega bo’lgan narsalar, tushunchalar.

KORRELYATIV (lot. correlatives – o’zaro nisbat) — munosabatdosh, o’zaro munosabat.

KORPORATIVLIK — jamiyatni tashkil etishning shunday modeliki, uning birlamchi elementlari sifatida individlar emas, iqtisodiy va funktsional guruhlar chiqadi. Markaziy hokimiyat korporatsiyalarga birlashgan ana shu guruhlar vakillaridan tuziladi.

KONVERTATSIYA (lot. aylantirish) — bir mamlakat pulini chet el puliga erkin almashtirishi.

KORPORATIV DAVLAT — davlatni tashkil etishga oid konsepsiya. Unga ko’ra mehnat va kapital munosabatlari davlat tomonidan kasbiy-tarmoq ittifoqlari (korporatsiyalar) shaklida boshqariladi va tartibga solinadi, parlament esa korporativ kengash bilan almashinadi.

KOOPTATSIYA (lot. coptatio – qo‗shimcha saylash) — saylab qo’yiladigan biron organ tarkibiga saylovchilarga murojaat qilmay anashu organning qarori bilan yangi a‘zolar kiritish.