Рубрика: K harfiga oid iqtisodiy ensiklopedik atamalar

KREDITOR — vaqtincha bo’sh turgan pullarni pulga muhtoj bo’lgan huquqiy va jismoniy shaxslarga ma’lum muddatga foiz to’lovlari evaziga qaytarib berish sharti bilan qarzga beruvchi shaxs, kompaniya, bank va h.k.

KREDITNI QAYTA TAQSIMLASH — vaqtinchalik bo’sh pul mablag’larini pulga ehtiyojmand subyektlar o’rtasida qayta taqsimlashdir.

KREDITLASHTIRISH — kredit resurslari hisobidan tadbirlarni amalga oshirish darajasidir.

KREDITLASH SUBYEKTLARI — kredit munosabatlarida qatnashuvchi tomonlar anglanadi.

KREDITLASH STRATEGIYASI — kredit siyosati borasida biron-bir bankning moliya bozoridagi mazmunli, maqsadli va aniq tamoyillarga asoslangan kredit munosabatlari.

KREDITLASH OBYEKTLARI — kredit hisobidan nima tashkil qilinsa yoki kredit nimaga yo’naltirilsa, o’sha tushuniladi.

KREDITLASH CHEGARASI — kredit munosabatlarining subyektlari yoki ssudalar turlariga nisbatan aniq ko’rsatkichlar shaklida belgilab qoyiladigan kreditdan foydalanishning qat’iy chegarasi.

KREDITLASH JARAYONI — kreditni rasmiylashtirish jarayoni boshlangandan to berilishigacha bo’lgan davrni qamrab oladi.

KREDITLARNING FOIZ STAVKASI — berilgan kreditlarga to’lanadigan foiz miqdori.

KREDIT RESURSLARINING AUKSIONI — kredit resurslarini erkin, ochiq tarzda auksion orqali sotishdir.