Рубрика: K harfiga oid iqtisodiy ensiklopedik atamalar

KREDIT POTENSIALI — bankdagi yig’ilgan, tarkib topgan mablag’lardan likvidlilik rezervlar ayirmasiga teng.

KELISHIB HAL QILINADIGAN IXTILOFLAR — ixtilof qatnashchilari maqsadlarining, o’zaro harakat qilish muddatlari va shartlarining o’zaro o’zgarishi hisobiga ularni hal etishning bir necha variantiga yo’l qo’yadi.

KELGUSI DAVR DAROMADLARI — hisobot davrida olingan, ammo kelgusi davrga tegishli bo’lgan mablag’lar.

KATTA YIGIRMALIK — 20 ta yirik mamlakatlar guruhi bo’lib, unga jahondagi eng boy mamlakatlar va yirik rivojlanayotgan davlatlar kiradi. Ular hissasiga jahon yalpi ichki mahsulotining 90 foiz ulushi to’g’ri keladi.

KECHIKTIRILGAN TALAB — biror sababga ko’ra hozir qondirish iloji yoki zarur bo’lmay, ma’lum vaqtdan so’ng qondiriladigan talab; u qondirilmagan talabning bir ko’rinishi hisoblanadi.

KATON STARSHIY (miloddan avvalgi 234-149) — Qadimgi Rimdagi qulchilikni himoya qilgan. Dehqonchilik to’g’risidagi asarida qishloq xo’jaligiga ko’proq e’tibor berishni taklif etadi, ko’proq sotish va kam olishni ma’qullaydi. Qullar mehnatidan ratsional … Read More

KASSANING UMUMLASHTIRILGAN SMETASI — budjetlashtirish tizimidagi ishlab chiqarish muomalalariga to’g’ri keladigan ma’lum vaqtda kassadagi naqd pullarni hisoblash.

KASSANING ORDERLARI — korxona kassasiga pul kirimi va chiqimining qonuniyligi hamda belgilangan maqsad bo’yicha amalga oshirilganligini asoslovchi hujjatlar.

KASSA NAQDI — banklar o’z seyflari va kassalarida saqlaydigan pullar.

KASSA LIMITI — korxona kassasida doim bo’lishi mumkin bo’Igan pul mablag’ larining summasi. Bu summa kunlik mayda xarajatlar uchun ishlatiladi.