Рубрика: K harfiga oid iqtisodiy ensiklopedik atamalar

KORRESPONDENT — boshqa tashkilotlarga bozorda to’la faoliyat olib borish uchun xizmat ko’rsatadigan bank yoki boshqa moliya tashkiloti.

KORRELYATSION BOG’LANISH — bu shunday to’liqsiz bog’lanishki, unda omillarning har bir qiymatiga turli zamon va makon sharoitlarida natijaning har xil qiymatlari mos keladi.

KORRELYATSION-REGRESSION MODEL — bu o’rganilayotgan hodisalar orasidagi bog’lanishni natijaviy belgi bilan muhim omillar o’rtasidagi ishonchli miqdoriy nisbatlar orqali ifodalashdir.

KORPORATSIYALARNING TAQSIMLANUVCHI DAROMADI — korporatsiyalashgan korxonalar to’laydigan dividendlar (foydalar) va kvazikorporatsiya korxonalarining daromadlaridan olinadigan chegirmalar.

KORPORATSIYA MADANIYATI — kompaniyada qabul qilingan asosiy falsafiy qoida va g’oyalar hamda qadriyatlar tizimi.

KORPORATIV REKLAMA — aniq bir tovar markasiga emas, balki to’liq tovarlar assortimentiga ehtiyoj yaratuvchi reklama.

KORPORATIV VMS — ishlab chiqarish va taqsimotning ketma-ket bosqichlari yakka xo’jalik egaligi doirasida birlashgan tizim.

KORPORATIV NAZORAT ORGANLARI — taftish komissiyasi; ichki audit xizmati; auditorlik tashkiloti.

KORPORATIV OBLIGATSIYALAR — aksiyadorlik jamiyatlari va o’zining tashkiliy-huquqiy shaklidan qat’i nazar, tijorat banklari tomonidan chiqariladigan obligatsiyalar.

KORPORATIV HUQUQ — korxonada ishlab chiqilgan qoidalar tizimi bo’lib, manfaatdor tomonlarning irodasini ifodalaydi va tashkilot faoliyatining turli tomonlarini tartibga soladi.