Рубрика: L harfiga oid qurilish atamalari

Loyihani moslash (bog’lash) – muayyan qurilish maydonchasi sharoitlari, binokorlik qurilmalari va ashyolarini tayyorlash bo’yicha imkoniyatlardan kelib chiqib, bino nusxaviy (yoki takroriy qo’llanilayotgan) loyihalariga zarur qo’shimchalar kiritish.

Loy suvoq – 1) oddiy suvoq; 2) soz tuproq loyi bilan suvalgan devor yuzasi.

Loy – suvda qorib yumshoq holga keltirilgan gil, tuproq. Masalan: bentonite loyi, o’tga chidamli loy, oq loy (gil), sopolbop loy, g’ishtboy loy, toshqolli loy, olovbardosh loy va hokazolar.

Lift – odamlar va (yoki) ayrim hollarda yuklarni ham ko’tarish, tushirishni ta’minlovchi davriy harakatdagi statsionar yuk ko’tarish qurilmasi. Vertikal nisbatan qiyalik burchagi 150 dan ko’p bo’lmagan, qattiq tekis yo’llanma bo’ylab … Batafsil

Lityo (quyma toshlar) – quyma tosh mahsulotlarni shixta xom ashyosini eritib, eritmani qoliplarga quyish, keyin issiqlik bilan ishlov berish, so’ngra yumshatish va kristallanish yo’li bilan olinadi.

List (to’lqinsimon asbesttsementli listlar) – turli maqsadlar uchun, binolar tomlari va devorlarini o’rnatishga mo’ljallangan mahsulot. Asbest-tsement profilli listlar to’lqinli, tekis to’lqinli, trapetseidalli yoki qatlamli konfiguratsiyaga ega bo’lishi mumkin.

Lodjiya – uch tomoni devor bilan o’ralgan, tashqi tomondan ochiq yoki oynavand, bino hajmiga ega yozgi bino.

Loy qorgich – loyni aralashtirish va loy aralashmani tayyorlash uchun qurilma.

Loy keskich – loy materiallarini oldindan maydalash uchun ishlatiladi. Loy keskichlar quruq, ho’l va muzlatilgan loyni yaxshi kesadi.

Loy iylagich (ekstruder) – keramik massalarni yuvish, shuningdek, chiqindilarni qayta ishlash (brakni qayta ishlab chiqarishga yo’naltirish) uchun ishlatiladigan uskuna. Loy iylagich keramika va kulolchilik ustaxonalari uchun mo’ljallangan. Loy iylagichda loyni … Batafsil