Рубрика: M harfiga oid iqtisodiy ensiklopedik atamalar

MOLIYALASHTIRISH — biror tadbir uchun davlat tomonidan mablag’ ajratish, mablag’ bilan ta’minlash, moliyalashtirish, masalan, xalqxo’jaligini mablag’ bilan ta’minlash.

MOLIYA YILI — birinchi yanvardan o’ttiz birinchi dekabr kuni oxirigacha bo’lgan vaqtni o’z ichiga oluvchi davr.

MOLIYA TIZIMI — davlat va korxonalar pul mablag’ lari fondlarini shakllantirish, taqsimlash va foydalanish shakllari hamda metodlari tizimi.

MOLIYA SIYOSATINING MUHIM VAZIFASI — u yoki bu iqtisodiy va ijtimoiy rivojlanishning davlat rejasi yoki chora-tadbirlarini amalga oshirish uchun tegishli moliyaviy resurslar bilan ta’minlashdir.

MOLIYA SIYOSATI — moliyaviy resurslarni jamlash, ularni davlatning o’z funksiya va vazifalarini amalga oshirish uchun taqsimlash hamda ishlatish shakli va usullarida tizimli namoyon bo’luvchi tadbirlar yig’indisidir.

MOLIYA SIYOSATINING ASOSIY YO’NALISHLARI — moliyaviy resurslarning imkon qadar yuqori hajmini aniqlash va ushbu manbalar doimiyligi va uzluksizligini ta’minlashdir, chunki moliyaviy resurslar potensiali barcha o’zgarishlarning bazasidir.

MOLIYA OLIGARXIYASI (“oligarxiya” so’zi ozchilikning idora etishini anglatadi) — mamlakat moliyasiga bir guruh yirik korporatsiyalarning yuqori martabali boshqaruvchilari hukmronlik qilishi. Moliya kapitalining yuzaga kelishi oligarxiyani vujudga keltiradi.

MOLIYA MEXANIZMI — taqsimot va qayta taqsimot munosabatlarining keng tizimini amalga oshirish, daromad va jamg’armalar tashkil qilish, markazlashgan va markazlashmagan pul fondlari tuzishni taminlovchi shakl va usullar yig’indisidan iborat.

MOLIYA KORPОRATSIYALARI SEKTORI — ko’proq moliyaviy vositachilik yoki moliyaviy vositachilik bilan yaqindan bog’langan moliyaviy faoliyat bilan shug’ullanadigan barcha resident korporatsiyalari va kvazikorporatsiyalar moliyaviy korporatsiyalar sektorini tashkil etadi.

MOLIYA HISOBI — sektorlardan turli moliya aktivlari va passivlarining o’zgarish jarayonini qayd etadi. Mamlakatning turli turdagi moliya aktivlari va passivlarining «Tashqi dunyo”ga nisbatan bo’lgan o’zgarishlarini ifodalaydi.