Рубрика: M harfiga oid pedagogikaga oid ensiklopedik atamalar

Ma’naviyat — inson ruhiy va aqliy olamini ifodalovchi tushuncha.

Ma’mun akademiyasi — 1) IX asr birinchi yarmida xalifa Ma’mun ar-Rashid (813-833 yillar) tomonidan Bag’dodda tashkil etilgan ilmiy markaz.

Ma’lumotlilik — shaxsiy sifat ko’rsatkichi, ya’ni shaxsning rivojlanish darajasi, uning tajribasi, ko’nikma va malakalarni qay darajada o’zlashtirganligi, ulardan foydalanish hamda ular yordamida yangi bilim, ko’nikmalarni egallab, to’ldirib borish qobiliyati.

Ma’lumotlar banki — ma’lumotlarni mujassamlashtirgan portal.

Ma’lumotlarning tarmoqli modeli — ma’lumotning boshqa pog’onadagi ma’lumot bilan ikki yoki undan ortiq marta bog’lanadigan turi.

Ma’lumotlarning relyatsion modeli — ma’lumotlarning jadval ko’rinishida ifodalanishi va ularni iste’mol uchun tayyorlab qo’yilgan holati.

Ma’lumotlarning ierarxik modeli — ma’lumotlarning izchil tizimini ifodalovchi loyihalar.

Ma’lumotlar modeli — axborotlarni mujassamlashtiruvchi loyihalar.

Ma’lumot — shaxsning o’qish, o’rganish natijasida o’zlashtirgan bilim, ko’nikmalari hajmi, yo’nalishi va darajasi.

Mashq — biror faoliyatni puxta o’zlashtirish yoki sifatini yaxshilash maqsadida uni ko’p marta takrorlash.