Рубрика: M harfiga oid pedagogikaga oid ensiklopedik atamalar

Maktabdan tashqari muassasa-bolalar va o’smirlar bilan maktabdan tashqari ish olib boruvchi ijtimoiy-tashkiliy va instruktiv-metodik muassasalar.

Maktabdan tashqari ishlari-yoshlarning bo’sh vaqtlarini mazmunli tashkil etish, ularning qobiliyat va layoqatlarini o’stirish, ehtiyoj va qiziqshlarini qondirish maqsadida maktabdan tashqari muassasalarda ta’lim-tarbiya ishlari va ommaviy madaniy-oqartuv tadbirlarini o’tkazish.

Maktabgacha ta’lim pedagogikasi-pedagogikaning maktabgacha yoshdagi bolalarga tarbiya berish hamda ularning shaxsiyatini shakllantirish qonuniyatlari, tamoyillari, vositalari, shakl, usul va metodlarini o’rganuvchi soha.

“Maktabgacha ta’lim” jurnali-ilmiy-metodik oylik jurnali, “Sog’lom avlod uchun” jurnali ilovasi.

Maktabgacha ta’lim yoshidagi bolalar kitoblari-kichik yoshdagi bolalar ehtiyojiga mos qisqa va sodda yozilgan adabiy asar.

Maktabgacha ta’lim yoshidagi bolalar jamoasi-muayyan o’zaro munosabatlar tizimi (o’yin, hayotiy masalar) yoki umumiy mashg’ulot turi asosida birlashgan kichik yoshdagi bolalar guruhi.

Maktabgacha ta’lim gigiyenasi-maktabgacha ta’lim yoshidagi bolalarning rivojlanishi va sog’ligiga hayotiy shart-sharoitlar hamda pedagogik jarayonning ta’sirini o’rganishga qaratilgan maktab gigiyenasining maxsus tarmog’i.

Maktabgacha ta’lim-uzluksiz ta’limning bolalarni aqliy, ma’naviy, jismoniy rivojlantirish va maktabga tayyorlashga yo’naltirilgan dastlabki bog’ini.

Maktab o’quv-tajriba uchastkasi-maktab yosh tabiatshunoslarining to’garak mashg’ulotlari va o’quvchilarning o’quv faoliyati tashkillashtiriladigan maktab qoshidagi yer uchastkasi.

Maktab o’quv rejasi-yarim yoki bir o’quv yiliga mo’ljallab tuzilgan maktab o’quv-tarbiya, boshqaruv-xo’jalik ishlari va boshqa tadbirlar tizimi qayd etilgan hujjat.