Рубрика: M harfiga oid pedagogikaga oid ensiklopedik atamalar

Mualliflik maktabi-muayyan muallif va mualliflar guruhi tomonidan ishlab chiqilgan ilg’or psixologik-pedagogik konsepsiyaga asoslangan eksperimental o’quv-tarbiya muassasasi.

Muallim-turkiy xalqlar maktablarida dars beruvchi pedagog.

Motivatsion ko’nikma-shaxs motivlarining yig’indisi va shaxsning ijodiy ilmiy mehnatga layoqatliligining eng muhim belgisi.

Motivatsiya-inson faoliyatini boshqarishda uning axloqiy mayllaridan foydalanish.

Motiv-1) insonni o’qishga yoki muayyan harakatlarni bajarishga undovchi turli sabablar yig’indisi; 2) o’quvchining ma’lum ehtiyojlarni qondirish bilan bog’liq faoliyatiga moyilligi.

Monolik nutq-o’quvchi yoki talabaning o’zgalarga qaratilgan nutqi.

Monografiya-birgina shaxs tomonidan yagona muammoni yoritishga bag’ishlab yozilgan ilmiy asar.

Monitoring-muayyan voqelikni tekshiruvchi, nazorat etuvchi va uning natijalarini umumlashtiruvchi jarayon.

Monitor-Bell-Lankaster o’qitish tizimida o’qituvchiga ko’mak berib turadigan katta yoshli o’quvchi.

Modulli o’quv axboroti-1) o’zaro uyg’unlashgan o’quv axborotlari; 2) alohida axborot blokidan iborat bo’lgan kichik maqsadlarga mos holda “lahzalardan” tuzilgan o’quv jarayoni.