Рубрика: M harfiga oid qurilish atamalari

Me’mor – binokor usta, muhandis; imorat va inshootlar loyihasini yaratuvchi va ularning qurilishini nazorat qilib turuvchi bosh mutaxassis.

Me’yorlash (Me’yorlashtirish) – tanqis resurslarni, tovarlar, xizmatlarni nazorat ostida taqsimlash yoki talabni sun’iy cheklash. Ratsion ma’lum bir kun yoki vaqtda ajratilgan resurlarning ruxsat etilgan qismi bo’lgan ratsion hajmini nazorat qiladi.

Me’yorlangan tarkibli klinker – minerologik tarkibi normativ hujjat talablari bilan belgilanadigan klinker.

Me’yoriy kuch (yuklama) – paydo bo’lishi belgilangan, ta’minlanganlik sharoitidan kelib chiqib, me’yoriy hujjatlar bilan o’rnatiladigan yoki uning nominal ahamiyati bo’yicha qabul qilingan kuch.

Me’yoriy yong’inga qarshi kontsentratsiya – amaldagi me’yoriy hujjatlarda belgilangan yong’inni o’chirish kontsentratiyasi.

Me’yoriy aniqlikdagi bolt (aniqlik sinfi B) – uglerodli po’latdan yasalgan bolt, u o’zining diametridan 1-1,5 millimetr katta bo’lgan teshikka o’rnatiladi.

Mehrobi – 1) mehrob shakliga o’xshash naqsh turi, mehrobning chizma, o’yma shakli ichiga ishlanadi; 2) mehrob shaklida ishlangan tokcha, taxmon, eshik va boshqalar.

Me’yor – loyihalash, qurilishni amalga oshirish yoki smeta narxini aniqlovchi ayrim masalalar bo’yicha, yagona miqdor yoki sifat ko’rsatkichlarini o’rganuvchi talablar. Masalan: suv qochirish me’yori, suvdan foydalanish me’yori, vaqt me’yori, ishlab … Read More

Mesh – xom teridan tikib tayyorlangan suyuqlik tashiladigan, saqlanadigan idish, sanoch. Qadimda binokorlikda suv asosan unda tashilgan.

Mehmonxona – uy-joy tarkibidagi mehmon kutish uchun alohida ajratilgan eng katta xona. Odatda tashqari hovli (tashqari)da, 2 xonali qilib qurilgan: dahliz hamda ichki xona. Ichki xonaga naqsh va bezaklar ishlangan. … Read More