Рубрика: N harfiga oid qurilish atamalari

Namlik-harorat ko’rsatkichi – ma’lum turdagi yuklarni xavfsiz tashish uchun zarur bo’lgan yukxonalar va omborlarda havo harorati va namlikning optimal darajasi.

Namlikni yutish – materialning muayyan sharoitlarda (harorat, bosim, havo harakati) muhitdan namlikni yutish xususiyati.

Narvoncha (zinacha) – kichik narvon.

Namuna (nusxa ma’nosida) – biror narsaning sinov nusxasi. Masalan: beton namunasi, suvga to’yingan grunt namunasi, tekshiruv namunasi, tajriba namunasi, mezonga mos namuna va hokazolar.

Narsa (buyum) – muayyan ehtiyojga xizmat qiladigan narsa (asosan maishiy, mehnat faoliyati va boshqalar uchun), mahsulot. Masalan: uy-ro’zg’or buyumi.

Narx – pul birliklarida ifodalangan narsaning qiymati, mahsulot yoki xizmat uchun to’lash kerak bo’lgan pul miqdori. Bu bozor va raqobatchilarning marketing tadqiqotlari natijasidir.

Narxning joriy darajasi – narxni aniqlash vaqtida amalda bo’lgan baho asosida aniqlanadigan narx.

Narxning istiqbol darajasi – qurilish mahsulotiga hisoblashni amalga oshirish mo’ljallanayotganda kelajak davr uchun bashoratlanadigan narx asosida aniqlanadigan narx.

Narx daraja bazasi – smeta bahosi asosida muayyan qayd etilgan sanaga qabul qilingan narx. Smeta bahosining bu darajasi investitsiya faoliyatining turli vaqt davridagi natijalarini, mazkur faoliyatning turli sohalarini iqtisodiy tahlil … Read More

Narvon (shoti, zina, pillapoya) – yog’ochdan ishlangan pog’onali ko’chma asbob. Masalan: falokat paytida foydalaniladigan narvon, minora zinasi, arqon narvon, aylanma zina, ichki zinapoya, oraliq zina, shlyuza narvoni va hokazolar.