Рубрика: O’ harfiga oid iqtisodiy ensiklopedik atamalar

O’Z-O’ZINI QOPLASH — korxona o’z xarajatlarini olgan foydasi bilan qoplashi, mahsulotni sotish va xizmat ko’rsatishdan kelgan daromad bilan korxona o’z xarajatlarini qoplashi.

O’Z-O’ZINI MOLIYALASHTIRISH — qo’shimcha mablag’lar manbalarini jalb qilishning eng ko’zga ko’ringan usuli, lekin uni uzoq muddatlar uchun prognoz qilish qiyin va miqdor jihatidan ham chegaralangan.

O’ZGARUVCHAN XARAJATLAR — ishlab chiqarilayotgan mahsulotlar miqdoriga bog’liq xarajatlar, xomashyo materiallari, ish haqiga va h.k. sarflangan xarajatlardan tashkil topadi.

O’ZGARUVCHAN NARX — bozordagi vaziyatga qarab o’zgartirib boriladigan narx.

O’ZARO HISOBLAR — davlat bilan korxonaning yoki korxona bilan tashkilotning o’zaro hisoblari. Masalan: tovar, mahsulot ishlab chiqarish, sotish va xizmat ko’rsatish borasida.

O’ZGARUVCHAN CHIQIMLAR — korxonaning ishlab chiqarish hajmlari ko’paygan sari oshib boruvchi xarajatlar.

O’ZGARUVCHAN ALMASHUV KURSI — ichki muvozonatni tiklash maqsadida mamlakat almashuv kursiga ega bo’ladigan xalqaro hisob-kitoblar tizimi.

O’ZBEKISTON RESPUBLIKASI SOLIQ TO’LOVCHILARINING YAGONA REESTRI — soliq to’lovchilarga oid davlat ma’lumotlar bazasi tizimi

O’ZINI-O ‘ZI BAND ETUVCHI SHAXS — bunday shaxs o’zi mehnat qiladigan korporatsiyalashmagan korxonalarning shaxsiy yoki sherik mulkdori hisoblanadi, ammo kvazikorporatsiyalar deb baholanuvchi korporatsiyalashmagan korxonalar bundan istisno.

O’ZGARUVCHAN TALAB — erkin bozorda mahsulot narxining ma’lum bir foizga o’zgarishi, talabning necha foizga o’zarishini belgilovchi ko’rsatkich. U baholarning o’zgarishi va ularning darajasi bo’yicha qaror qabul qilish jarayonida keng qo’llaniladi.