Рубрика: O’ harfiga oid pedagogikaga oid ensiklopedik atamalar

O’quvchining kundalik daftari-uy vazifasi va bahoni qayd etish uchun tutiladigan maxsus daftar.

O’quvchilarning yozma ishi-o’quvchininig yozma qobiliyati ustida ishlashi, uning mashq, diktant yoki yozma tarzda ijodiy ishlashi.

O’quvchilar hay’ati-tarkibi o’quvchilardan tuzilib, maktab o’quv qo’mitasi tomonidan doimiy (yillik) yoki biror tadbirni nazorat qilish uchun saylanadigan vaqtinchalik hay’at.

O’quvchilar to’garagi-maktabdan va sinfdan tashqari ta’lim shakllaridan biri.

O’quvchilar nutq madaniyati-atrofidagi kishilar bilan muloqot hamda ta’lim jarayonida turli fan asoslarini o’zlashtirish, o’quvchilarning og’zaki va yozma nutq me’yorlariga amal qilish darajasi.

O’quvchilar navbatchiligi-o’quvchilarning maktab intizomini saqlashga qaratilgan faoliyati.

O’quvchilar mehnat gigiyenasi-mehnat shart-sharoitlari va uning turlarini o’quvchi organizmiga ta’sirini o’rganuvchi, sanitar-gigiyena tadbirlarini amalga oshirishning bir butun majmuini taqdim etuvchi maktab gigiyenasining maxsus tarmog’i.

O’quvchi-faollar — bolalar uyi yoki maktab-internatlarda o’z tartib-intizomi va jamoat ishlaridagi faolligi bilan ajralib turuvchi o’quvchilar guruhi.

O’quvchi mehnatiga haq to’lash-o’quvchining maktab o’quv ustaxonasida, fabrika, zavod, qurilish, qishloq xo’jalik jamoalarida bajarga ishlab chiqarish mehnati uchun to’lanadigan haq.

O’quvchi ma’ruzasi-o’quvchi tomonidan tayyorlanadigan mustaqil yozma va og’zaki ish turi.