Рубрика: P harfiga oid pedagogikaga oid ensiklopedik atamalar

Pedagogik innovatorlik-muayyan jarayonga yangilik kiritish, uni o’zlashtirish va tatbiq etishga oid innovatsion faoliyat.

Pedagogik innovatika-pedagogik faoliyat, uning printsiplari, qonuniyatlari, metod va vositalarini o’rganuvchi pedagogika fani tarmog’i.

Pedagogik ijodkorlik-1) ta’lim beruvchi tomonidan o’quv-tarbiya vazifalarini yuksak sifat darajasida o’zgacha hal etilishi; 2) ta’lim-tarbiya amaliyoti va nazariyasining boyitilishi.

Pedagogik jurnal-(fransuzcha journal-kundalik daftar)-yosh avlod ta’lim-tarbiyasi masalalari yoritilgan bosma davriy nashr. Pedagogik axborotni tanlash, tahlil etish va baholashning asosiy vositalaridan biri.

Pedagoik jarayonning qonuniyatliligi-pedagogik maqsadga erishishning muvaffaqiyatli va jarayonning yo’nalishini belgilab beradigan mavjud ichki va tashqi aloqalar tizimi.

Pedagogik jarayonning yaxlitligi-o’quvchilar rivojlanishining yuqori darajasini ta’minlovchi pedagogik jarayonga oid sintetik sifat.

Pedagogik jarayon-aniq maqsadga yo’naltirilgan, mazmunan boy, tarkibi jihatdan qat’iy shakllangan o’qv vaziyatida o’qituvchi va o’quvchilar orasidagi o’zaro hamkorlik.

Pedagogik jamoa-1) muataxassislik va maqsadlar birligi asosida mujassamlangan pedagoglar guruhi; 2) ijtimoiy ahamiyatga ega bo’lgan, pedagogik faoliyati jarayonida yuksak darajaga erishgan, umumiy maqsad va vazifalariga ko’ra birlashgan pedagoglar guruhi.

Pedagogik jamiyat-pedagogikaga oid muammolarni ko’tarib chiqish, pedagogik bilimlarni amaliyotga joriy etish, ta’lim-tarbiya birligini ta’minlashga qaratilgan xalq ta’limi va pedagogika namoyandalari uyushmasi.

Pedagogik yondashuv-bu ta’lim muassasasi rahbari yoki o’qituvchining pedagogik faoliyatini o’zaro muayyan, uyg’un g’oyalar, tushuncha va usullardan foydalanishiga yo’llovchi metologik yo’nalish.