Рубрика: P harfiga oid pedagogikaga oid ensiklopedik atamalar

Pedagogik anjuman-keng doirada o’tkaziladigan ta’lim-tarbiya sohasi bo’yicha majlis, yig’ilish, kengash.

Pedagogik amaliyot-pedagogika oliy o’quv yurtlari va pedagogika kollejlaridagi o’quv jarayonida egallangan bilimlarni qo’llashga qaratilgan ta’lim jarayonning tarkibiy qismi.

Pedagogik akseologiya-pedagogik yangiliklar, innovatsiyalarning pedagogik jamoatchilik tomonidan o’zlashtirilish darajasini baholash, idrok etish haqidagi nazariy bilimlar.

Pedagogik akademiya-umumiy o’rta ta’lim maktabi o’qituvchisi va bo’lg’usi xalq ta’limi rahbarlarini tayyorlovchi pedagogik kurslar.

Pedagog-novator — kasbiy pedagog mahorat bosqichlaridan biri bo’lib, mahoratli pedagog faoliyati yangi shakl, usul, metod yoki vositalar hisobiga o’sib, pedagogik jarayonning samaradorligi ortishini ta’minlovcih shaxs.

Pedagog kadrlar faoliyatini baholash metodikasi-pedagoglarning kasbiy faoliyati natijasini baholovchi metodika.

Pedagog-muallim, o’qituvchi. Yosh avlodga ta’lim-tarbiya berish bilan shug’ullanuvchi shaxs. Ta’lim-tarbiya jarayonini o’rganuvchi va bu jarayonni boshqarish muammolari bilan shug’ullanuvchi mutaxassis.

Patronat-sho’ro ittifoqida qarovsiz bolalarni vaqtincha boshqa oilalarga berib tarbiyalashga qaratilgan pedagogik tadbir.

Passivlik-bilish va tadqiq qilishni xohlamaslik.

Paralogizm-o’quvchi yoki talabaning to’g’ri fikrlash qoidalarini buzish, mantiqiy xatoga yo’l qo’yish natijasida noto’g’ri xulosa chiqarishi.