Рубрика: P harfiga oid tibbiyot atamalari

Povrejdeniye, shikastlanish nima degani – bevosita fizikaviy yoki kimyoviy ta’sir tufayli to’qima (tana bo’lagi, a’zo) butunligi yoki funksional holatining mahalliy buzilishi.

Povorot ploda v matke, homilani bachadonda burash nima degani – homilaning bachadondagi holatini sun’iy yo’l bilan o’zgartirish, bunda tug’ruqning to’g’ri o’tishiga yoki homilani vacuum ekstraktor yordamida olishga imkoniyat bo’ladi.

Pnevmoliz nima degani – plevra bo’shlig’ida kasallik natijasida vujudga kelgan chandiqlarni operatsiya yo’li bilan kesib, o’pkani bo’shatish (ozod qilish).

Pnevmokonioz nima degani – korxona changi bilan uzoq vaqt nafas olganda kelib chiqadigan va o’pkalarda fibroz jarayoni paydo bo’lishi bilan ifodalanadigan o’pka kasalliklari turkumi.

Ploskostopiye, yassi oyoqlik nima degani – oyoq kafti shaklining buzilishi; deformatsiyasi; oyoq kafti gumbazining turg’un yassilanib (pasayib), hatto butunlay yo’qolib ketishi bilan ifodaladi.

Pleksit nima degani – yuqumli kasalliklar, intoksikatsiyalar, shikastlanishlarda nerv chigallarining kasalligi. Bo’yin, yelka, bel-dumbag’aza pleksitlari bo’ladi.

Pnevmoskleroz nima degani – o’pkalarda chandiq biriktiruvchi to’qima o’sib ketishi, bu o’pka funksiyasining buzilishiga olib keladi. Surunkali yallig’lanish va distrofiya oqibati.

Pnevmoperikard(iy) nima degani – yurak xaltasi bo’shlig’ida havo yig’ilishi.

Pnevmopeksiya nima degani – bitta yoki ikkita o’pkani ko’krak qafasi devoriga, diarragmaga yoki plevra pardasiga tikib qo’yish operatsiyasi. Ko’krak qafasi jarohatlanganda, qizilo’ngach o’smasini operatsiya qilib olinayotganda qilinadi.

Pnevmotoraks nima degani – plevraning visseral va pariyetal varaqlari o’rtasida havo yig’ilishi bilan ifodalanadigan patologik holat.