Рубрика: Q harfiga oid geografiyaga oid ensiklopedik atamalar

Qishloq xo`jalik aholisi — qishloq xo`jaligida band bo`lgan aholi.

Qishloq aholisi — qishloq joylarda yashaydigan aholi; qishloqlarda yashab, qishloq xo`jaligi bilan bog`liq bo`lmagan sohada, ko`pincha yon-veridagi shaharda ishlaydigan kishilar ham qishloq aholisi hisoblanadi.

Qishloq (qishlov, qishda turiladigan joy) — aholi o`troq yashaydigan punkt; geografik nom tarkibida ham uchraydi: Mang`ishloq yarim oroli.

Qisnoq — daryo o`zani toraygan joy, bo`g`oz joy. Daryo o`zanining chuqurlatish eroziyasi kuchli bo`lgan qismlarida hosil bo`ladi.

Qirg`oq chizig`i — suv yuzasi bilan quruqlik chegarasi.

Qirg`oq yoni muzi — dengizning qirg`og`i bo`yida hosil bo`lgan muz. Ko`pincha qirg`oq yoni sayozliklarida hosil bo`ladi. Kengligi o`nlab, hatto yuzlab kilometrga yetishi mumkin.

Qizil temirtosh — tarkibida temir ko`p mineral.

Qasaba (arabcha qasaba — shahar) — tarixiy manbalarda, jumladan «Bobirnoma»da «posyolka», «shaharcha» ma’nosida ishlatilgan atama.

Qanot — yer po`stining burmalangan qatlamlarida bukilgan joylar oralig`idagi ozmi-ko`pmi tekis nishab qatlamlar.

Qaynar — suvi pastdan yuqoriga ko`tarilib chiqadigan buloq — qaynar buloq. Turkmanistonda balchiq vulkani ham qaynar deyiladi.