Рубрика: Q harfiga oid qurilish atamalari

Qatlam – boshqa shunga o’xshashlar orasida yoki ularning ustida yotadigan tekis materiya massasi. Masalan: choksiz qatlam, suv o’tkazuvchi qatlam, suvoq qatlami va hokazolar.

Qatqavat – binoning (inshoot) balandlik bo’yicha shakli cheklangan, hajmiy-rejaviy, texnikaviy va qurilmaviy jihatdan bir butunlikni namoyon etuvchi qismi.

Qasaba – shahar tasarrufidagi mavze, kent.

Qasr – qo’rg’on, saroy, ko’shk, qal’aband bino.

Qarshilik – har qanday ta’sirga, o’zgarishlarga qarshilik ko’rsatish qobiliyati, xususiyat. Masalan: faol qarshilik, o’zak qarshiligi, aerodinamik qarshilik, qoziq boshining qarshiligi va hokazolar.

Qarshi harakat (aks harakat) – boshqa harakatning ta’sirini kamaytirish uchun harakat. Masalan: tik yo’nalishdagi qarshi harakat, yotiq yo’nalishdagi qarshi harakat va hokazolar.

Qarshi ko’tarma – tosh yoki tuproqdan yasalgan, himoya devorlari o’rniga qirg’oqqa to’kma shaklida joylashtirilgan muhandislik inshooti.

Qarg’uy (ding) – qorovulxona.

Qarshi zarba (qarshilik, qaytarish) – kimgadir yoki biror narsaga hujum qilishga qarshilik.

Qaratmoq (yo’naltirmoq) – kimgadir yoki biror narsaga intilish, maqsad yoki yo’nalish qo’yish.