Рубрика: R harfiga oid fuqarolik jamiyatiga oid ensiklopedik atamalar

RAZVEDKA (rus.) – vaziyatni baholash va qaror qabul qilish uchun mavjud yoki ehtimol tutilgan dushman, joy va boshqalar haqida ma‘lumotlar to’plash maqsadida amalga oshiriladigan tadbirlar majmui.

REABILITATSIYA (lot.) — 1) noto’g’ri ayblangan yoki qoralangan kishining pok nomini, obro’-e‘tiborini qayta tiklash; 2) sud orqali yoki ma’muriy tartibda avvalgi huquqlarni tiklash.

REDEMARKATSIYA — davlat chegaralarida buzib tashlangan yoki yo’q bo’lib ketgan ob‘ektlarni yoki chegara belgilarni qayta tiklash.

RATSIONAL-TANQIDIY PARADIGMA — siyosatning ichki tabiatini, uning eng muhim tarkibiy qismlarini ularning o’zaro aloqalarida ochishga, siyosiy hayot rivojlanishi asosida yotgan ixtiloflarni aniqlashga yo’naltiradi.

RATSIONALIZATSIYA, ratsionallashtirish (lot. rationalis — aqlli, oqil) — bironbir narsani takomillashtirish, yanada maqsadga muvofiq tashkillashtirish (Masalan, ishlab chiqarishni Ratsionalizatsiya qilish).

RATSIONAL (fr. rationalis – oqilona) — maqsadga muvofiq, asoslangan, dalillangan (eng to’g’ri yo’l ma‘nosida ham ishlatiladi).

RAQOBAT (siyosiy raqobat) — biror maqsadga erishishdan manfaatdor shaxslar, guruhlar, partiyalar o’rtasidagi siyosatning qandaydir sohasi bo’yicha musobaqa, bellashuv, to’qnashuv.

RAIYAT (arab.) — 1) biror o’lka yoki mamlakat aholisi; 2) o’rta asrlarda Yaqin va O’rta Sharq mamlakatlarida dastlab barcha soliq to’lovchi qishloq va shahar aholisi. Usmonli turk imperiyasida XVIII asr … Batafsil

RAIS (arab. rahbar, sardor) — muayyan saylov organlari va tashkilotlar rahbari (masalan, O’zbekiston Respublikasi Oliy Majlis Senati raisi, O’zbekiston Respublikasi Vazirlar Mahkamasi huzuridagi Oliy attestasiya komissiyasi raisi va hokazo); 3) … Batafsil

RAHBARLIK — hokimiyatni amalga oshirish mexanizmlaridan biri. Jamiyat uchun muhim qarorlar ishlab chiqish va qabul qilish, uning maqsadlari, vazifalari, istiqbollarini aniqlash bilan bog’liq faoliyat.