Рубрика: R harfiga oid iqtisodiy ensiklopedik atamalar

REMOLIYALASHTIRISH SIYOSATI — Markaziy bank tomonidan tijorat banklari ixtiyoridagi tijorat veksellarni hamda qimmatbaho qog’ozlarni garovga olish va shu yo‘l bilan kredit berishdir.

REMARKETING — talabning pasayishi sharoitida uni jonlantirish jarayonlari.

RENTA — ko’chmas mulk egasi mulkini muqobil ishlatishdagi olgan daromadi. Yer, imorat, kvartira, uy-joy va boshqalar ijaraga berilib, undan daromad ko’riladi. Masalan, uy-joy ijaraga berilib, har oyda 500000 so’m daromad … Batafsil

RENDIT — dividend summasining aksiyani sotib olish bahosiga nisbati.

REMISSIYA — to’lov mablag’ini hisob-varaq bo’yicha kamaytirish tomoniga yaxlitlash.

RELEVANT XARAJATLAR — muqobil boshqaruv qarorini qabul qilishni tanlashda e’tiborga olinadigan xarajatlar. Zaxiralarni saqlash va buyurtmalarni bajarish bilan bog’liq kelgusidagi xarajatlar.

REKVIZIT — ifoda etiladigan obyektning aniq belgilarini ko’rsatadigan hujjatning ajralmas elementi.

REKONSTRUKTSIYA (QAYTA QURISH) -takomillashtirish maqsadida biron narsani tubdan qayta qurish (tashkillashtirish). Tashkilot, korxona, iqtisodiy tizimning ishlab turishi va rivojlanishi xususiyatlarini o’zgartirishga qaratilgan kompleks chora-tadbirlar.

REKLAMATSIYA — xaridor tomonidan sotuvchiga shartnoma asosida yetkazib berilgan tovar sifati va miqdorining shartnomaga to’g’ri kelmasligi tufayli bildiruvchi davosi.

REKLAMA VA SAVDONI RAG’BATLANTIRISH — kommunikativlik (aloqadorlik)ning rivojlanishi. Barcha ommaviy axborot vositalaridan foydalangan holda reklama uzatish.