Рубрика: S harfiga oid fuqarolik jamiyatiga oid ensiklopedik atamalar

SOLNOMA — mamlakatning ijtimoiy-siyosiy, madaniy, iqtisodiy hayotida ro’y bergan muhim voqealar tadrijiy ravishda bayon etib borilgan yozma yodgorlik. Solnoma, odatda, tarixiy voqealarning bevosita ishtirokchisi tomonidan yozilgan.

SOLIQ ISLOHOTLARI — soliq nazariyasi va amaliyotini muvofiqlashtirish asosida soliq yukini kamaytirish, soliqqa tortishni soddalashtirish, soliq yordamida iqtisodiy rivojlanishni ta‘minlash maqsadlarida amalga oshiriladigan davlat tadbirlari. Iqtisodiyotni isloh qilishining muhim, ajralmas … Batafsil

SIYOSIY YETAKCHILIK — insoniyatga xos bo’lgan eng qadimgi universal institutlardan biri va u davlat hamda jamiyat miqyosida hokimiyat funksiyalarini bajaruvchi sub‘yektlardan biridir.

SIYOSIY XULQ — shaxs, ijtimoiy guruhlarning siyosiy hokimiyatni amalga oshirishida, o’z siyosiy manfaatlarini himoya qilishda ishtiroki shakli. Siyosiy ishtirok — siyosat sub‘yektlarining siyosiy munosabatlarga jalb qilinganligidir.

SIYOSIY USLUBLAR — ishontirish, dalillar bilan isbotlash, jamoat fikrini, sinflar, millatlar, aholining turli ijtimoiy, demografik guruhlari fikri, manfaatlarini hisobga olishning demokratik usullari.

SIYOSIY TASHKILOT — qat‘iy belgilangan tuzilishga, tarkibiy qismlar vazifalarining aniqligiga, faoliyatning yaxlit tizim sifatida qurilishiga asoslanuvchi, odamlar, ixtiyoriy ravishda, o’z maqsadlariga erishishlari uchun tuzgan ittifoqlari.

SIYOSIY TAHLIL — ilmiy usul. U butunni qismlarga bo’lish va ularni sifat yoki miqdor jihatidan jiddiy o’rganishga asoslanadi. Tahlil aniqlik kiritish va talqinni nazarda tutishi mumkin. Masalan, muayyan siyosiy kuchlar … Batafsil

SIYOSIY STRATEGIYA VA TAKTIKA (gr. Qo’shinni olib boraman va gr. tartibga solmoq) — siyosiy hayot, siyosiy jarayon va siyosiy kurashda siyosiy partiyalar, boshqa kuchlar, harakatlar, tashkilotlar ishtirok etishining nazariyasi va … Batafsil

SIYOSIY STEREOTIP (gr. qattiq iz) — biror siyosiy hodisa to’g’risida soddalashtirilgan, sxematik, obrazli tasavvurlar. O’zgarishi juda qiyin.

SIYOSIY SOTSIOLOGIYA — siyosat bilan chegaradosh fanlardan biri. U siyosiy va ijtimoiy munosabatlarning o’zaro bir-biriga o’tishi va aloqadorligini o’rganadi.