Рубрика: S harfiga oid iqtisodiy ensiklopedik atamalar

SOF ICHKI MAHSULOT (SOF MILLIY DAROMAD) — makroiqtisodiy ko’rsatkich bo’lib, YalM (YaMD)dan amortizatsiya ajratmalari miqdorini ayirib tashlash yo’li bilan topiladi.

SOF FOYDA — korxona moliyaviy faoliyati natijasida ko’rilgan daromaddan mahsulot tannarxi va soliqlar hisoblanganidan so’ng korxona ixtiyorida qoldirilgan foyda.

SOF DISKONTIRLANGAN (KELTIRILGAN) QIYMAT — kelajakda olinadigan sof daromadning diskontirlangan qiymatidan diskontirlangan investitsiya ayirmasi.

SOF EKSPORT — tovar va xizmatlarning eksporti va ularning importi o’rtasidagi ayirma: eksport — import = sof eksport.

SOF DAROMAD — milliy daromadning bir qismi, xalq xo’jaligida yaratilgan qo’shimcha mahsulotning puldagi ifodasi. Sof daromad foyda, renta, foizga bo’linadi, ya’ni ularning jami jamiyat miqyosida sof daromadni tashkil etadi.

SOF ARALASH DAROMAD — uy xo’jaligi sektoriga qarashli nokorporativ korxonalar daromadlarining hosil bo’lishi schyotidagi muvozanatlashtiruvchi ko’rsatkichdir.

SOF AKTIVLAR — birlikning hisobot davrida majburiyatlariga nisbatan aktivlarining ko’payganligini ifodalaydi.

SO’ROV — kishilarning bilimlari, e’tiqodlari, xohishlari va mamnunliklari to’g’risidagi ma’lumotlar olish uslubi.

SMETALI MOLIYALASHTIRISH — noishlab chiqarish sohasi korxona va tashkilotlari xarajatlarini qoplash metodi.

SO’NGGI USUL — mamlakatning oltin valyuta rezervlarini ishlatish yo’li bilan to’lov balansi defitsitini qoplashga aytiladi.