Рубрика: S harfiga oid iqtisodiy ensiklopedik atamalar

SILJITISH VOSITALARI — tovar haqidagi ma’lumotlarni iste’molchiga etkazish va singdirish, iste’molchilar bilan aloqa o’rnatish vositalari.

SINERGETIK SAMARA — tashkilotning yagona bir butun sifatidagi salohiyati va imkoniyatlari uning alohida elementlarining salohiyatlari va imkoniyatlaridan oshib ketadi, bu narsa ularni o’zaro qo’llab-quvvatlanishlari va to’ldirilishlari bilan asoslangan.

SILJITISH STRATEGIYASI — tovar siljitish vositalari, usullari, tadbirlarini aniq bozor sharoitiga mos qo’llash tartibi.

SILJITISH STRUKTURASI — korxonaning iste’molchilar bilan aloqa o’rnatish va uni ta’minlash dasturi bo’lib, reklama, sotishni rag’batlantirish, targ’ibot, shaxsan sotish usullari, vositalari tizimi.

SILJITISH MUROJAATI — iste’molchilarga yetkaziladigan ma’lumotlar shakli.

SIKL VAQTI — ma’lum bir jarayonda ketma-ket ishlanadigan “birliklar” chiqishi orasidagi o’rtacha vaqt. Bu atamaga ko’pgina hollarda ma’lum bir takrorlanuvchi ishning boshi va ohiri orasidagi o’rtacha vaqt deb tavsif beriladi.

SIKLLIK (DAVRIY) ISHSIZLIK — ishlab chiqarishning qisqarishi natijasida vujudga keladigan ishsizlik turi. Asosan iqtisodiyotda davriy rivojlanib, inqiroz bosqichida vujudga keladi.

SIFAT UYI MATRITSASI — mahsulotni loyihalashtirish bilan shug’ullanuvchi funksionalaro guruhga iste’molchilarning talablarini operatsion va konstruksion masalalarga aylantirishga imkon beradigan matritsa.

SIFATNING MOS TUSHISHI — mahsulot loyihasida ko’rsatilgan talablarga javob bera olish darajasi.

SIFAT TA’MINLANADIGAN XARAJATLAR — mahsulot yoki xizmat sifatini ta’minlash (masalan nuqsonlarning oldini olish, tekshiruv qilish bilan bog’liq xarajatlar) bilan bog’liq bo’lgan xarajatlar.