Рубрика: S harfiga oid qurilish atamalari

Surilish (siljish, ko’chish, harakat) – harakatlantirib, bir joydan ikkinchi joyga ko’chirish. Masalan: minorali kran harakati, binolarni ko’chirish, tuproq uyumini surish va hokazolar.

Suriladigan (surilma) – shundayki, uni surib chiqarish mumkin (ob’yektlar haqida). Masalan: suriladigan javon.

Suyuq loy – sersuz qorilgan loy.

Suyuq kristallar – qattiq kristallarga xos bir qator fizik xossalarining anizotropiyasi bilan xarakterlanadigan tartibli molekulyar tuzilishga ega bo’lgan suyuqlikning maxsus holati.

Suyuq aralashma – biron bir qorishmadan tashkil topgan suyuqlik. Masalan: tsement-qumli suyuq aralashma.

Suyuq – oquvchanlik xususiyatiga ega bo’lib, doimiy hajmga ega, lekin shaklini osongina o’zgartiradi va tortishish kuchi ta’sirida to’ldirilgan idish shaklini oladi.

Sendvich-panel(lar) – 1) issiqlik izolyatsiyalovchi o’zakdan, ko’pincha mineral vata, penopolistriol va penopoliuretandan bajariladigan panel. Sendvich-panellarning tashqi va ichki yuzalar, odatda, qattiq po’lat, alyuminiy yoki plastmassali listlardan iborat bo’ladi; 2) bino … Read More

Suspenziya – dispersli tizim bo’lib, unda dispersli faza qattiq holatda bo’lsa, dispersli muhit esa suyuq holatda bo’ladi.

Surtmoq (surkamoq, suvamoq) – biror narsani bo’yash, bulg’ash bilan yopish.

Susaytirgich – 1) biror narsaning harakatini sekinlashtiruvchi qurilma yoki modda; 2) yadro reaktorlarida zarrachalar (neytronlar) energiyasini kamaytirish uchun ishlatiladigan modda va boshqalar. Masalan: qotishni susaytirgich.