Рубрика: T harfiga oid pedagogikaga oid ensiklopedik atamalar

Tarbiya maqsadi-jamiyatning alohida shaxsga nisbatan ehtiyojlarining aks ettirilishi, uning mohiyati ideal talabalarining nazariy umumlashmasi.

Tarbiya mazmuni-qo’yilgan maqsad va vazifalarga ko’ra o’quvchilar egallashi zarur bo’lgan qat’iy xulq-atvor me’yorlari, bilim, e’tiqod, ko’nikma, malaka va shaxsga xos axloqiy-ma’naviy sifatlar hamda xususiyatlar tizimi.

Tarbiya jurnali-tarbiya muammolarini bajarishga ixtisoslashgan nashr.

“Tarbiyai atfol” (bolalar tarbiyasi)-Buxoro jadidlari tashkil etgan ma’rifiy jamiyat (1908-1914).

Tarbiya-1) shaxsda muayyan jismoniy, ruhiy, axloqiy, ma’naviy sifatlarni shakllantirishga qaratilgan amaliy pedagogik jarayon; 2) yosh avlodni mujassam rivojlantirishga yo’naltirilgan umuminsoniy hamda milliy ijtimoiy tajribani o’quvchi yoki talabalarga uzluksiz taqdim etish … Read More

Tanqidiy fikrlash-axborotlarni o’zlashtirishdan boshlanib, xulosa chiqarish bilan tugallanadigan murakkab fikrlash jarayoni.

Tanqid-1) u yoki bu voqea-hodisalarga baho berish maqsadida uni tahlil qilish, muhokama qilish; 2) muayyan narsa haqida salbiy fikr bildirish; 3) kamchiliklarni atroflicha asoslash va hal etish maqsadida bildiriladigan fikr-mulohazalar … Read More

Tamoyil-1) nazariya, ta’limot, fan va hokazolarning asosiy poydevori, qonun-qoidasi; 2) muayyan shaxs qattiq ushlab olgan qoida, maslak, nuqtai nazar, qarash; 3) mayl, moyillik, tendensiya.

Talant-o’quvchi yoki talabadagi katta, noyob qobiliyat.

Talabchanlik-shaxsning o’z-o’zining va o’zgalarning xulqini muayyan ob’yektiv tamoyillarga bo’ysundira olishdan iborat xislati.