Рубрика: T harfiga oid pedagogikaga oid ensiklopedik atamalar

Tiflografika-ko’zi ojizlar maktabida rasm solish va chizmachilik fanlarini o’qitishda amal qilinadigan relyefli rasm va chizmalar chizish nazariyasi.

Tipalogiya-shaxsning xilma-xil xususiyatlarini asosiy tiplarga ajratishga xizmat qiladigan inson haqidagi fanlar, shu jumladan pedagogikaning ham tarkibiy qismi.

Tinchlik pedagogikasi-pedagogikaning yoshlarni tinchlik, o’zaro yordam, inson erkinligi va huquqlariga hurmat ruhida tarbiyalash, xalqlar o’rtasida do’stlik, birodarlik muammolari bilan shug’ullanuvchi sohasi.

Tizimli tahlil-izchil tahlil.

Tizimlashtirish-pedagogik hodisalar va tushunchalarni guruhlarga ajratishga asoslangan faoliyat.

Tizimli yondashuv-tadqiqotchining pedagogik ob’yekt yaxlitligini ochib ko’rsatishga yo’naltiruvchi, uning ichki aloqa va munosabatlarini belgilovchi jarayon.

Tizimli-muayyan tizimga asoslangan pedagogik hodisalarning o’zaro bog’langan holda ifodalanishi.

Tizim (Sistema) — 1) tartibga solingan, o’zaro bog’langan va ta’sir ko’rsatib turadigan pedagogik hodisa; 2) tartibga solingan tushunchalar yig’indisi.

Texnologiya-1) shaxsni o’qitish, tarbiyalash va rivojlantirish qonuniyatlarini mujassamlashtirgan va yakuniy natijani kafolatlarydigan pedagogik hodisa; 2) ta’lim-tarbiya jarayonini tashkil etish, uni boshqarish, pedagogik va o’quv faoliyatini tashkil qilish usullari tavsifi.

Texnologik xarita-integrallashgan darslarni tashkil etishda tushuncha va bilimlarning muayyan izchilligi va axborotli modellarni o’rganish usullari, yo’llari, ko’rsatmalari hamda ko’rgazmali-texnologik topshiriqlar yig’indisi.