Рубрика: U harfiga oid pedagogikaga oid ensiklopedik atamalar

Uyatchanlik-odobsiz harakatlarni qilmay turib, uning oqibatlarini tasavvur etish natijasida paydo bo’ladigan hissiyot.

Usuli jadid maktablari (yangi usul maktablari)-Turkistonda XIX asr oxiri-XX asr boshlarida bolalarning savodini chiqarish, axloqiy-ma’naviy tarbiyalash maqsadida tashkil etilgan maktablar.

Usullar-axborot uzatish va qabul qilishning so’z orqali ifodalash, ko’rgazmali va amaliy turlarini qamrab olgan usullar majmui.

“Ustoz” respublika jamg’armasi — “Kadrlar tayyorlash milliy dasturi”ga muvofiq O’zbekiston ijtimoiy-iqtisodiy hayotining ustuvor yo’nalishlari bo’yicha ta’lim muassasalari, birinchi navbatda, oliy ta’lim muassasalari professor-o’qituvchilari safidan yetuk pedagoglar tayyorlashga ko’maklashishga qaratilgan jamg’arma … Read More

Ustoz-kasb-hunar, ilm o’rgatuvchi, yo’l-yo’riq ko’rsatuvchi, tarbiyalovchi murabbiy, rahnamo, o’qituvchi.

Ustanovka-o’quvchi yoki talabaning muayyan faoliyatni bajarishga qaratilgan, tajribalariga asoslangan tayyorgarlik darajasi.

Universitet Nizomi-universitetlarning huquq va burchlari ifodalangan me’yoriy hujjat.

Universitet-tabiiy, ijtimoiy va gumanitar yo’nalishda yuksak malakali mutaxassislar tayyorlashga yo’naltirilgan ko’p tarmoqli oliy o’quv-ilmiy muassasa.

Umumpedagogik texnologiya-turli darajada tizimlarni ifodalaydigan ayrim ta’lim muassasasidagi barcha ta’lim-tarbiya sohalariga tegishli bo’lgan texnologiyalar.

Umumlashtirish metodi-shaxsning voqelikni bilish, tadqiq etishdagi muhim fikriy harakati hamda narsa va hodisalarning o’xshash muhim belgi, xususiyatlarini, bog’lanishlarni fikran muayyan tushunchaga birlashtirish yo’llari va usullari.