Рубрика: X harfiga oid iqtisodiy ensiklopedik atamalar

XAYRING — bunda mulk 1 yildan 3 yilgacha muddatga ijaraga beriladi.

XARIDOR UMIDI — xaridorning sotib olgan tovardan kutgan naf, qulayliklar, his-tuyg’ular.

XARIDOR NIYATI — xaridorning kelajakda nimalar olmoqchi ekanligi, kelajakda tovarlar sotib olish bo’yicha orzu havaslari.

XARIDOR MUNOSABATI — xaridorning tovar sifati, assortimenti, bezatilishi, siymosi, mavqeyi, narx va boshqa iste’mol xossalari to’g’risidagi ma’lum tushunchalarda ifodalangan tasavvuri.

XARIDOR ISTAKLARI — xaridor sotib olmoqchi bo’lgan tovarlarda ko’rishni xohlagan xossalar to’plami, ya’ni u tovarning qanday bo’lishini istaydi.

XARIDOR FIKRI — xaridorning tovar sifati, assortimenti, bezatilishi, mavqeyi, narx va boshqa iste’mol xossalari to’g’risidagi ma’lum tushunchalarda ifodalangan tasavvuri.

XARIDOR BAHOSI — xaridorning tovar yoki uning alohida xossasining o’z istaklariga, tasavvuriga mos kelish darajasi ifodasi.

XARIDOR DIDI — xaridorning tovarni tasawur qilishi va tanlashida namoyon bo’ladigan o’ziga xos takrorlanmas ta’bi.

XARID NARXI — bozorda tovarga xaridor taklif etgan narx, bozorda sotilgan tovar qiymatinig amaldagi pul ifodasi.

XARIDOR — tovar ayirboshlashda bevosita ishtirok etib, tovarni tanlash, qiymatini to’lash va o’z ixtiyoriga olish ishlarini amalga oshiradigan shaxs, korxona, tashkilot, muassasa yoki ularning vakili.