Рубрика: X harfiga oid pedagogikaga oid ensiklopedik atamalar

Xattotlik-(arabcha-xusnixat yozuvchi), kalligrafiya – yozuv (xat) san’ati, kitob ko’chirish hamda me’moriy inshootlar, badiiy buyumlarning kitobalarini yaratish kasbi.

Xarizma (yoki xarizmatik legitlilik)-biror shaxsning boshqalarga nisbatan misli ko’rilmagan darajada ustun xususiyatlarga egaligi va shu ustunlik yordamida xalqni boshqarishga haqli ekanligini ifodalaydigan tushuncha.

Xarakter-o’quvchi yoki talaba xulqi yoki axloqitda namoyon bo’ladigan va unda odat tusiga kirib qolgan eng muhim ruhiy holatlar.

Xalqaro pedagogik konferensiya-turli mamlakatlar ta’lim-tarbiya sohasi vakillarining muayyan pedagogik masalani muhokama qilish uchun yig’ilish.

Xalq ta’limi rahbar xodimlari malakasini oshirish markaziy instituti, Abdulla Avloniy nomidagi Xalq ta’limi rahbar xodimlari malakasini oshirish markaziy instituti-O’zbekistondagi eng yirik o’qituvchilar malakasini oshirish instituti. 1934 yil 4 mayda Xalq … Batafsil

“Xalq ta’limi” jurnali-O’zbekiston Respublikasi uzluksiz ta’lim tizimining barcha muassasalarida ma’naviy yetuk shaxsni shakllantirishning ilmiy-pedagogik asoslarini yoritirshga qaratilgan ilmiy-metodik jurnal. Muassislar O’zbekiston Respublikasi Xalq ta’limi vazirligi va T.N.Qori Niyoziy nomidagi O’zbekiston … Batafsil

Xalq ta’limi vazirligi-Xalq ta’limini boshqaruvchi davlat tashkiloti.

Xalq ta’limi bo’limi-tuman, viloyat, shahar xalq ta’limini nazorat etuvchi davlat boshqaruv organi.

“Xalq ta’limi a’lochisi”-ta’lim muassasalari va pedagogika sohasida ilmiy tadqiqot hamda malaka oshirish institutlari xodimlarini mukofotlash uchun ta’sis etilgan ko’krak nishoni.

Xalq ta’limi-mamlakatda tarbiyaviy, o’quv va madaniy-ma’rifiy muassasa va tadbirlar tizimi hamda ularni boshqarish organlari.