Рубрика: Y harfiga oid iqtisodiy ensiklopedik atamalar

YUK OBOROTI — ma’lum vaqt davomida tashilgan yukning hajmi (miqdori), yuk oboroti, transport sohasining asosiy ko’rsatkichi. Tashilgan yukning soni va tashish masofasi (km)ga ko’ra hisoblab chiqiladi.

YORDAMCHI MATERIALLAR — asosiy materiallardan farq qilib, ishlab chiqarilayotgan mahsulotning asosini tashkil qilmaydi, balki mahsulot ishlab chiqarishda biron-bir vosita sifatida ishtirok etadi. Yoqilg’i o’z mohiyatiga ko’ra yordamchi materiallarning bir turi … Read More

YORDAMCHI TARMOQ — korxonaning tovar mahsuloti bo’yicha asosiy tarmog’idan keyingi o’rinda turadigan, asosiy tarmoq bilan texnologik hamda tashkiliy jihatdan bog’langan, asosiy tarmоqning muttasil rivojlanib borishi uchun bevosita yordam ko’rsatadigan tarmoq.

YORDAMCHI MOLIYA KORPORATSIYALAR — kichik sektor faoliyati moliyaviy vositachilik bilan yaqindan bog’liq, ammo ularning o’zlari vositachi sifatida ishtirok eta olmaydigan barcha rezidentlik korporatsiyalar va kvazikorporatsiyalardan tarkib topadi.

YORDAMCHI ISHLAB CHIQARISH — ishlab chiqarish jarayonining bir qismi bo’lib, u asosiy ishlab chiqarish fondlarini qayta tiklash, ta’mirlash, asosiy ishlab chiqarish jarayonini energiya va boshqa yordamchi materiallar bilan ta’minlash ishlarini … Read More

YOPIQ TENDER КО‘RINISHDAGI AUKSION — sotib oluvchilarning shaxsiy ishtirokisiz ularning bergan takliflariga asosan, qatnashuvchilar taklif etgan eng yuqori (yoki past) baho bo’yicha qimmatbaho qog’ozlar, tovarlar, mol-mulkni sotishning tashkil qilinishi.

YOPIQ AUKSION — bunda tovar uchun auksion qatnashchilari bir-biriga bog’liq bo’lmagan holda stavkalarini qo’yadi va tovar kim ko’p stavka qo’ygan bo’lsa shunga beriladi.

YO’LOVCHI KILOMETR — yo’lovchi tashishning o’lchov birligi. Yo’lochi kilometr tashilgan yo’lovchilar sonini ular qancha masofaga (kilometrga) olib borilgani bilan o’lchanadi.

YUKSALISH — iqtisodiyotning davriy rivojlanishining jonlanish bosqichidan keyin keladigan bosqich, unda talab oshib boradi, investitsiyalar hajmi o’sadi, bank foizi kamayadi, ishlab chiqarish hajmi oshib boradi, ishsizlik tabiiy darajasi kamayadi.

YOPIQ IQTISODIYOT — tovar va xizmatlarning eksport va importini amalga oshirmaydigan mamlakat iqtisodiyoti; xalqaro savdoda ishtirok etmaydigan iqlisodiyot; hozirgi mutlaq yopiq iqtisodiyot mavjud emas. Yopiq iqtisodiyot modelida tovarlar, xizmatlar va … Read More