Рубрика: Y harfiga oid iqtisodiy ensiklopedik atamalar

YALPI INVESTITSIYALAR — korxona va firmalarning mashina, dastgohlar xaridi, qurilish, zaxiralarning o’zgarishi bilan bog’liq barcha sarflar. YaMM xarajatlar usulida hisoblaganda tarkibiga qo’shiladi.

YEVRO KREDITLAR — yevro valyutalarda beriladigan kreditlardir.

YOPIQ AKSIYADORLAR JAMIYATI — aksiyalari faqat o’zining muassislari orasida yoki oldindan belgilab qo’yiladigan boshqa shaxslar doirasida taqsimlanadigan, o’zi chiqaradigan aksiyalarga ochiq obuna o’tkazishga yoki ularni sotib olish uchun cheklanmagan doiradagi … Batafsil

YOLLOVCHILARNING IJTIMOIY SUG’URTAGA HAQIQIY AJRATMALARI — sug’urta korxonalariga yoki boshqa turdagi institutsion birliklarga, o’zxodimlarini nafaqa bilan ta’minlash uchun ijtimoiy sug’urta dasturi boshqaruviga yollovchilar tomonidan bevosita ijtimoiy ta’minot jamg’armasiga ijtimoiy sug’urta … Batafsil

YUMSHOQ NARX — xaridorning savdolashish qobiliyatiga bog’liq tarzda uzil-kesil aniqlanadigan narx.

YUTUQ — lotoreyalar, o’yinlar, tanlovlar, musobaqalar (olimpiadalar), festivallar va shu kabi boshqa tadbirlarda olingan, natura holida yoki pulda ifodalangan to’lovlar, sovrinlar va boshqa daromadlar.

YALPI IJTIMOIY MAHSULOT — yil davomida jamiyat tomonidan moddiy sohada yaratilgan mahsulotlarning pul birligidagi qiymati; ijtimoiy ishlab chiqarishning asosiy statistik ko’rsatldchlaridan biri.

YALPI FOYDANING GRAFIGI (CHIZMASI) — ishlab chiqarishning ma’qul holatida foyda va zararlarning hududi (miqyosi)ni aks ettiradigan grafik (chizma).

YALPI ICHKI MAHSULOT DEFLYATORI — yalpi ichki mahsulot uchun aniqlangan baho indeksi. Uni aniqlash uchun yalpi ichki mahsulot qiymat indeksi YalMning fizik hajm indeksiga nisbatan olinadi.

YALPI FOYDA — korxona yalpi daromadining barcha majburiy to’lovlami chiqarib tashlagandan so’ng korxona ixtiyorida qoluvchi qismi.