Рубрика: Ye harfiga oid qurilish atamalari

Yelimlangan fanerali to’sin – bo’ylama yo’nalishida yuqori va pastki qirralariga ariqchali yog’och kiydirib yelimlangan va devorchasi fanera listdan bo’lgan qo’sh tavr kesimli to’sin.

Yelimlangan fanerali to’siq – yog’och karkasga yelimlangan faner list, chegaralovchi devor konstruksiyalari yoki tom (yopma ora) yopish elementi.

Yelimlangan mahsulot – yelimlangan konstruksiyaning elementi sifatida foydalanish uchun mo’ljallangan mahsulot.

Yelimlangan yog’och arka – 1) taxtalarning yuzasiga yoki yuzasi va qirralariga yelim surtib, taxtalarni qatlamlab biriktirish orqali olinadigan arka; 2) orqa kamar qatlam bo’ylab, yog’och-taxtalardan yopishtirib qilingan arka.

Yelimlab bajariladigan shift – orayopma sirtiga polistrioldan kvadrat yoki to’g’ri to’rtburchak shaklida tayyorlangan plitkalarni yelimlab yopishtirish yo’li bilan hosil qilinadi. Plitkalar sirtida ko’pincha lepnima yoki rezbani imitatsiyalovchi relyef yaratiladi.

Yelim-eritma – termoplastik yelim, qizdirilganda yopishqoq-qovushqoq holatga o’tadi, sovutish orqali qattiqlashganda yopishqoqlikni ta’minlaydi.

Asosli yelim-termoaktiv smola – qurilish yelimi, asosini fenolformaldegid, karbamid, melaminformaldegid va epoksidli smolalar tashkil etadi. Bularga poliuretan va efir yelimlari ham kiradi.

Asosli yelim-termoplastik polimerlar – eritma yoki qotishma ko’rinishida bo’lishi mumkin bo’lgan qurilish yelimi.

Yelim oba – 1) suyiltilgan yelim; 2) naqqoshlikda yog’ochga naqsh pardoz berish oldidan tayyorlanadigan yer, astarqori turi.

Yelim-germatik – choklar va bo’shliqlarni germetizatsiya (yopish) qilish uchun yelim.