Рубрика: Yo harfiga oid qurilish atamalari

Yon kesim (ko’ndalang kesim) – biror narsaning ko’ndalang, qisqa tomonlari.

Yon – 1) tomon, taraf; 2) loyihada binoning yon tomonidan ko’rinishi, yon tarzi.

Yomxona – 1) katta xumlar saqlanadigan xona; 2) elchi, choparlar to’xtab o’tadigan bekat, ular uchun ot saqlanadigan joy.

Yomg’ir chetlatuvchi – yomg’ir kanalizatsiyasi tizimidan oqava suvlarni havzaga oqizish.

Yomg’ir suvlarini chiqarish – nishablikdan tushuvchi yomg’ir suvlarini to’plagichga oqizish uchun mo’ljallangan quvur o’tkazgich.

Yolg’ondan ishlab ketishi (yong’in haqida) – xavfli yong’in omillari mavjud bo’lmagan holda shakllanadigan yong’in xabari.

Yomg’ir suvlarining tushish joyi – ortiqcha yomg’ir suvlarini suv havzasiga tashlash uchun yarim ajratuvchi va umumoqizish kanalizatsiyasi tizimi tarmog’idagi inshoot.

Yomg’ir suvlarini qabul qilgich – yer usti oqava suvlari va atmosfera yog’inlari, yog’in suvlari kanalizatsiyasi tizimiga qabul qilish uchun kamera yoki shaxtalar.

Yolg’iz ustun (yakka ustun) – burchak ustuni. Bitta ustunli ayvon.

Yoqilg’i o’tkazish – yoqilg’i ta’minoti tizimida yoqilg’ini tashish uchun mo’ljallangan quvur liniyasi.