DEBI IDRISS

DEBI IDRISS (1952, Berdoba) — Chad prezidenti. Njamena shahridagi harbiy zobitlar maktabi (1976) va Frantsiyadagi Aeronavtika instituti (1979) ni tugatgan. 1980 yildan Chad shimoli qurolli kuchlari qo’mondoni, 1987 yildan mudofaa va xavfsizlik masalalari bo’yicha maslahatchi, ayni vaqtda Mustaqillik va inqilob milliy Ittifoqi ijroiya qo’mitasida armiya va xavfsizlik organlari ishlari bo’yicha prezident vakili. 1990 yil dekabrdan Milliy qutqarish vatanparvarlik harakati rahbari, 1991 yil Fevraldan Chad Respublikasi prezidenti.