FAYZIYEV LATIF OBIDOVICH

FAYZIYEV LATIF OBIDOVICH (1929.2.1 — Toshkent — 1994.21.10) — kinorejissyor. O’zbekiston xalq artisti (1979). O’zbekistonda xizmat ko’rsatgan san’at arbobi (1964). Moskvadagi kinematografiya intini tugatgan (1950). 1941-45 yillar Yosh tomoshabinlar teatrida aktyor. 1950 yildan «uzbekfilm»da rejissyor 1986-89 yillar Hamza teatrida bosh rejissyor 20 ga yaqin hujjatli xronikal filmlar («Amudaryo», 3 qismli, «Toshkent fontanlari», «Dekameron 76», «Chinor haqida afsona», «derazalar uchun yasalgan kiprik» va boshqalar) yaratgan. «Boy ila xizmatchi» Fayziyevning birinchi badiiy filmidir. «Amirlikning yemirilishi», (birinchi o’zbek rangli filmi) «qutlug’qon», «Natashaxonim» (birinchi o’zbek keng ekranli rangli filmi), «ikkinchi bor gullash», «Sinchalak», «Ulug’bek yulduzi», «Vatan o’g’lonlari»; «Alibobo va qirq qaroqchi», «Sevgi afsonasi», «ovchi» (uchchalasi hindlar bilan hamkorlikda), «Oltin junli qo’y terisi» (sarguzasht film), «Uyg’onish», «taqdir eshigi» kabi filmlari o’zbek kinosi rivojiga munosib hissa bo’lib qo’shildi. Fayziyev o’zbek kinosida filmbaletga asos solganlardan: «Temur Malik», «moviy saroy oshiklari», «jonlangan miniatyuralar», «eski qal’a afsonasi» va boshqalar. «Tojikfilm»da «Uch palma daraxti», «Gang uzra tong» (hindlar bilan xamkorlikda) filmlarini yaratgan. Hamza nomidagi O’zbekiston Davlat mukofoti laureati (1981). «Shuxrat» medali bilan mukofotlangan (1994).