FEDERAL TEKSHIRISHLAR BYUROSI

FEDERAL TEKSHIRISHLAR BYUROSI (FTB) (Federal Bureau of Investigation — FBI) — AQShda federal qonunlar buzilishlarini tekshiruvchi muassasa. 1908 yil tuzilgan. Qarorgohi Vashington shahrida uyushgan jinoyatchilik, terrorizm, giyohvand moddalar savdosi, mansab jinoyatlari, zo’ravonlik holatlariga, AQSh hududida boshqa davlatlar razvedkalariga qarshi kurash FTB faoliyatining muhim yo’nalishlaridir. Byuroning mamlakat Shtatlari poytaxtlarida, yirik shaharlarda 60 ga yaqin bo’limi, 500 dan ortiq mahalliy bo’linmalari, ayrim mamlakatlarda esa aloqa postlari mavjud. FTB da 24 mingga yaqin xodim, jumladan, 10 mingga yaqin maxsus agent xizmat qiladi. Byuro rahbarini AQSh prezidenti tayinlaydi, Kongress tasdiqlaydi.