GABRIEL (GABRIEL) JAK ANJ

GABRIEL (GABRIEL) JAK ANJ (1698.27.10 — Parij — 1782.4.1) -frantsuz me’mori. 18-asr klassisizm asoschilaridan biri. 1742 yildan qirolning birinchi me’mori va me’morlik akademiyasining prezidenti. Gabriel loyihasi asosida qurilgan binolar aniq va yorqin shakldaligi, bezaklarining nafisligi bilan ajralib turadi [Versaldagi kichik Trianon (1762-64), Parijdagi Lyudovik XV maydoni (hozirgi Totuvlik maydoni) loyihasi va qurilishi (1753-75) va boshqalarning muallifi].