Gerakl

Gerakl (lotincha Hercules, Sharq adabiyotida Xirakl)-yunon afsonalaridagi qahramon, Zevs bilan oddiy ayol Alkmenaning o’g’li. Afsonalarga ko’ra, beqiyos kuchga ega bo’lgan. U mislsiz 12 jasorat ko’rsatgan. Nemey sherini va ko’p boshli lerney ajdahosini o’ldirgan, erimanf to’ng’izini tirik tutgan, stimfol jodu qushlarini qirib tashlagan, amazonkalar malikasi Ippolitaning kamarini olgan, podshoh Diomedni yengib, yiqitgan va boshqa mardliklar ko’rsatgan. Shuningdek, Anteyni yenggan. Prometeyni ozod qilgan. Xotini Deyanira uni bilmay zaharlagan. Zevs uni o’lmaydigan qilgan. Yunonistonning ko’pgina joylarida, keyinchalik Italiyada Geraklga e’tiqod qilgan. Gerakl haqidagi afsonalarda insonning tabiatning dahshatli kuchlariga qarshi kurashi aks etgan. Gerakl Gerkules nomi bilan ham mashhur.