HINDISTON MILLIY FANLAR AKADEMIYASI

HINDISTON MILLIY FANLAR AKADEMIYASI — Hindistondagi jamoat ilmiy muassasasi. 1970 yil Hindiston Fanlar milliy instituti (1935 yil tuzilgan) negizida tashkil etilgan. Dehli shahrida joylashgan. Mamlakatdagi ilmiy tashkilotlar faoliyatini muvofiqlashtiradi. Akademiya o’z tadqiqot markazlariga ega emas. Ilmiy asar va monografiyalar e’lon qiladi. Byulleten, yilnomalar, Hindistonda fan tarixi, fundamental va amaliy matematika bo’yicha.jurnallar nashr etadi. 650 dan ortiq a’zosi, 80 faxriy a’zosi bor.