ITALIYA KAMPANIYASI

ITALIYA KAMPANIYASI (1943.10.7 — 1945.2.5) — 2-jahon urushi davrida AQSh va Buyuk Britaniya qurolli kuchlarining Italiyadagi nemis-fashist va italyan-fashist qo’shinlariga qarshi harbiy harakatlari. Italiya kampaniyasi Sitsiliya operatsiyasi (1943.10.7 — 1943.17.8) dan boshlangan, so’ng ittifoqchilar Italiya taslim bo’lgach (1943.3.9), Janubiy Italiyani ishg’ol qilganlar va asta-sekin shimol tomonga harakat qilib, 1945 yil boshida Spesiya — Ravenna bo’sag’asiga chiqqanlar. 1945 yil aprelda Italiya partizanlari yordamida shimoliy Italiya ozod qilingan; nemisfashist qo’shinlari taslim bo’lgan.